مقبرة كتاكومب
لو انت فاكر إن الأهرامات هي المعلم الأشهر من الحضارة المصرية القديمة فأحب أقولك إنك غلطان وفيه واحدة من عجائب الدنيا موجودة ف اسكندرية وللآسف ف غاية الرعب والرهبة ويمكن كتير مننا ميعرفش عنها حاجة عشان اللي يعرفوها كويس هم الأمواt !!!
ف اسكندرية وتحديدا ف جنوب حي ميناء البصل بتقع مقبرة أسطورية تسمى " كتاكومب " والمسمى ده بيطلق على المقابر اللي تحت الأرض! وليها إسم تاني غريب وهو " كوم شقافة " وده عشان فيه بقايا فخارية كتيرة جدا ف المكان المخيف ده...
عام 1900 ميلادية وفمنطقة دام الحفر فيها سنوات، اتفاجأ العمال بأن حمار أبيض ضل طريقه ومرة واحدة سقط ف على فتحة وكاد ينزل لتحت ولحقوه لكنهم اتصدموا بأن القدر كشفلهم وبسبب سقوط الحمار أنه ارتمى على المدخل الرئيسي لمقبرة على عمق 12 متر!!! وبذكر حالتهم النفسية وقتها فكان الرعب هو المسيطر على كل روح فيهم واعتبروه في باديء الأمر مدخل الشيطان!!!
بعدها بأيام اكتشفوا آثار ونقوشات هامة جدا على الجدران ومنها عرفه بأنهم أمام اكتشاف تاريخي غير مسبوق وبالفعل كان الحمار سبب رئيسي ف اكتشاف " الكتاكومب " وبعدها درسوا تخطيط المقبرة واللي كان فريد جدااا فهي يمكن أضخم مبنى تراثي للدفن على الإطلاق واختفت بفعل ارتفاع منسوب المياه عشان تفضل تحته طيلة المدة دي زيها يمكن زي أطلانطس! ومعاها تنكشف أسرار مهمة جدا زي كونها عبارة عن أربعة طوابق وعلى عمق ١٢ متر ومش بس كده لا إن كمان المقبرة فضلت تتوسع عبر العقود..
بمجرد ما دخلوا من المدخل الموجود بالقرب من سطح الأرض لقوا سلم حلزوني عريض بيوديك على الطابق الأرضي الأول واللي فيه دهليز وحجرات وبئر وهنا كانت الصدمة اللي عرف بيها الناس أنهم وسط سراديب تحمل الموتى!!! ومش بس كده لا كمان البئر طلع تقريبا على عمق عشرة أمتار والعجيب والصادم إنهم اكتشفوا كون الجثث كانت بتنزل عن طريق البئر عن طريق حبل والأرواح اللي لسا عايشة بتستنى فأحد الطوابق وهي متخذة السلم الحلزوني...
العجيب برضو والمخيف واللي يوضحلك أد إيه الناس فالعصور القديمة كانت قلوبهم مغايرة لينا، هو إن فالطابق الأرضي الأول فيه مأدبة كانوا الرومان وغيرهم بيأكلوا فيها والمفترض الموtى بتوعهم مدفونين تحتهم فالطابق الثاني ولو لسا عايز تعرف الرعب فين اصبر لحد متعرف أنه كمان ف الطابق الأخير وعلى عمق ١٢ متر عملوا زي استراحات كمان يقعدوا فيها وجمب الاستراحات دي المقابر الرئيسية واللي فيها كم سراديب غير طبيعي وفكل سرداب فتحات بتتحط فيها الجثث!!
المقبرة مفتوحة للزوار طبعا وب تذكرة رمزية جدااا والناس بتنزل لحد تحت وبتستخدم كشافاتها عشان تنورلهم وأكيد محدش بينزل غير الصبح بس عشان اللي هينتظر ل بليل بالتأكيد ممكن يلاقي قرين أحدهم فتخيل إنك ماشي يا عزيزي ف سراديب كانت بتحتوي بقايا أو لسا بتحتوي على ذرات جثث تعود لمئات مئات السنين...
من خلال تحليل المقبرة تم اكتشاف إنها بترجع لعصور متقاربة بس البداية ومن خلال أقدم جزء فيها بيرجع ل القرن الأول الميلادي وقت حكم الرومان ل الاسكندرية واللي بتلاحظ فيه وجود نقوش مصرية قديمة ب حرفية شديدة جدا ممتزجة ب نقوش رومانية وحيوانات تعود إلى تراثهم الخاص ف مشهد مهيب أسفل وأعلى المقبرة وكمان عملات معدنية منقوش عليها صور حكامهم وفآخر طابق بالمقبرة وجدوا تماثيل تم نقلها ل خارج مصر.
أخيرا المقبرة فضلت مستخدمة تقريبا لحد القرن الرابع الميلادي وده بعد ما استولى الكهنة عليها وتوسعوا فيها ومارسوا كمان طقوسهم بأسفل طوابقها لحد ما أهملت وغرقت أسفل أمواج البحار العاتية.
العالم لسا فيه أسرار كتير والسلف زي ما كانوا مبدعين كانوا برضو مرعبين ومقبرة " كتاكومب " واحدة من شواهد الرعب وكانت واحدة من عجائب الدنيا ف العصور الوسطي، وسراديبها أكيد احتوت على قصص كتير لأرواح انتهت وخلدت في التراث.
الكاتب ✍️ محمدناصر
تاريخ وآثار
